रिना मृत्यु प्रकरणमा मुख्यमन्त्रीले के भने ?

पथरीकी रिना बस्नेत प्रकरणमा प्रदेश सरकार कानमा तेल हालेर नबसेको एक नम्बर प्रदेशका मुख्य मन्त्री शेरधन राईले बताएका छन् । मुख्यमन्त्री कार्यालयको पाक्षिक कार्यक्रम जनतासँग मुख्यमन्त्रीमा बोल्दै मुख्यमन्त्री शेरधन राईले पथरीकी रिना बस्नेत प्रकरणको सत्य तथ्य बाहिर ल्याउन प्रदेश सरकार लागि परेको दावी गरे ।

रिना बस्नेतको शब भेटिनु अघि उनले कस कसलाई भेटेकी थिइन् ? कहाँ गएकी थिइन ? उनको को को सँग के कुरा भएको थियो शुक्ष्म रुपमा छानबिन भइरहेको छ ? मुख्यमन्त्रीले भने–“ बस्नेतको आर्थीक सामाजिक पाटोबाट समेत छानबिन भइरहेको छ । छानबिन गर्न मैले नै पटक पटक प्रहरीलाई निर्देशन दिएको छु ।” रिना बस्नेतको शब भेटिएको प्रकरणमा गम्भिरताका साथ अनुसन्धान भइरहेको मुख्य मन्त्री राईले दावी गरे । उनले जनताको आक्रोश मथ्थर पार्न मात्रै नभएर अनुसन्धान प्रकृयालाई चुस्त बनाउन पथरीमा प्रहरी नायब उपरिक्षक पठाएको बताए ।

उनले डीएसपीको नेतृत्वमा छानबिन भइरहेको छ केहि दिनमै यसको वास्तविकता जनता सामू आउने छ दावी गरे । उनले भने–“ पथरी घटनाको अनुसन्धानलाई कसैले प्रभावित पार्न सक्दैन म त्यो हुन दिन्न । रिना बस्नेतको प्रकरणमा मैले आफैले चासो दिएर अनुसन्धान अधिकृत प्रहरीलाई सत्य तथ्य बाहिर ल्याउन निर्देशन दिएको छु ।

वास्तविकता बाहिर आँउछ ।” निर्मला हत्या प्रकरण जस्तै त रिना बस्नेत प्रकरण गुप चुपमा त हुँदैन ? जिज्ञासामा उनले जिज्ञासामा भने यो कदापी त्यस्तो हुँदैन । ढुक्क हुनुहोस दोषी रहेछ भने त्यो सजायको भागिदार रहन्छ । कहिले सम्ममा सत्य तथ्य बाहिर आँउछ भन्ने जिज्ञासामा मुख्य मन्त्री राईले अनुसन्धान भइरहेकाले अहिले नै मिति तोक्न नसक्ने बताए । जनतासँग मुख्यमन्त्री कार्यक्रम आइतबार प्रदेशका ३० भन्दा बढि रेडियोमा बिहान सात बजे प्रसारण हुनेछ ।
साभार